Пуцін і Буш не змаглі дамовіцца па супрацьракетнай абароне

Прэзідэнт Расіі Уладзімір Пуцін і прэзідэнт ЗША Джордж Буш прынялі на перамовах у Сочы дэкларацыю "Аб стратэгічных рамках расійска-амерыканскіх адносінаў".
Як заявіў Пуцін на прэс-канферэнцыі па выніках сустрэчы, у дэкларацыі, у прыватнасці, прапісана нязгода расійскага боку з рашэннем аб размяшчэнні аб'ектаў супрацьракетнай абароны ЗША у Чэхіі і Польшчы.

Акрамя гэтага ў дэкларацыі адзначаюцца разыходжанні ў базавых падыходах па пытаннях стратэгічных наступальных узбраенняў. Пуцін прызнаў, што дэкларацыя не дае прарыўных развязак праблем, але вызначае шляхі іх рашэння для будучых лідэраў Расіі і ЗША.

Lenta.ru