Банкам дазволена дадаваць да афіцыйнага курсу валюты 10%
Куплю-продаж замежнай валюты паміж банкамі і суб’ектамі гаспадарання можна здзяйсняць па курсе, які можа адхіляцца ад афіцыйнага курсу не больш чым на 10%.
У прэс-рэлізе "Аб развіцці пазабіржавага валютнага рынку" Нацбанк накіраваў банкам свае новыя рэкамэндацыі адносна валютнага рынку. Нацбанк хоча зменшыць нагрузку на біржавы сектар валютнага рынку, перавёўшы большую частку ўгодаў куплі-продажу па-за біржу. Гэтыя захады маюць на мэце "пашырыць магчымасці банкаў па задавальненні попыту беларускіх прадпрыемстваў на замежную валюту" гаворыцца ў прэс-рэлізе, паведамляе Радыё Свабода.
