Беларусбанк гатовы задаволіць попыт насельніцтва на валюту
У прэс-службе Беларусбанка адзначылі, што попыт насельніцтва на валюту банк гатовы задаволіць за кошт сваіх рэзерваў і абаротаў.
Пры гэтым, падкрэслілі там, абмежаванні Нацбанка не маюць дачынення да валютных укладаў насельніцтва.
"Сродкі насельніцтва, якія захоўвае банк, — гэта ўласнасць насельніцтва. Кліенты могуць забраць гэтыя грошы ў любы час. Продаж замежнай валюты за рублі — гэта продаж ўласнай валюты банка, а яе ў банка дастаткова", — паведамілі ў прэс-службе.
22 сакавіка Нацыянальны банк Беларусі паведаміў камерцыйным банкам пра тое, што не будзе прадаваць ім валюту для наступнага продажу насельніцтву, нагадвае tut.by.
