Беларускае хрысціянскае тэлебачанне здымае фільм у Польшчы
Мастацкі фільм тэлебачання "Анёл" некалькі дзён здымаўся ў мясцовасці Ванхоцк.
Паводле стваральнікаў фільма, ён накіраваны супраць абортаў і мусіць папулярызаваць дзейнасць па ахове жыцця чалавека, асабліва жыцця немаўлят. Як піша kielce.gazeta.pl, просьбу аб дазволе на здымкі ўнутры манастыра абацтва атрымала ад каталіцкага арцыбіскупа Тадэвуша Кандрусевіча з Беларусі. Сцэнарыстам, рэжысёрам і прадзюсарам фільма з'яўляецца Карына Калінкіна.
Кінастужка распавядае гісторыю трох персанажаў — дзвюх дзяўчынак і аднаго хлопчыка. Яны вучацца ў "нябеснай школе", рыхтуюцца да выканання місіі, якая распачнецца разам з іх нараджэннем.
Фота — kielce.gazeta.pl
