Брат і сястра патанулі ў Нёмане, спрабуючы выратаваць чалавека
21-гадовыя блізняты кінуліся ў ваду, калі пачала тануць іх 45-гадовая цётка. Праз некалькі хвілінаў жанчыну плынню выкінула на бераг, а брат і сястра патанулі.
Трагедыя адбылася ў Мастоўскім раёне, куды Даша і Саша прыехалі ў госці да сваякоў з Гродна. Дзяўчына працавала ў абласной лякарні і вучылася ў медуніверсітэце, а хлопец сёлета скончыў аграрны ўніверсітэт, піша "Гродзенская праўда".
Фота: vladus.by.
