Дзесяць швейцарскіх электрацягнікоў абыйдуцца Беларусі ў 61,6 млн. еўра
Першы электрацягнік швейцарскай кампаніі "Stadler" для гарадской лініі Мінск—Ждановічы прыбыў у Беларусь.
Як паведаміў прэс-цэнтр Беларускай чыгункі, заўтра грузавыя аўтамабілі з вагонамі электрацягніка прыбудуць у цэх лакаматыўнага дэпо Баранавічы.
У канцы зімы — пачатку вясны запланавана дастаўка другога і трэцяга электрацягнікоў. Усяго ж кантракт прадугледжвае пастаўку БЧ дзесяці электрацягнікоў чатырохвагоннай састаўнасці на агульную суму 61,6 млн еўра.
Фота: euroradio.by
