Галодны сабака ўчыніў вялікі пажар на альпійскім курорце
Мяркуецца, што ён уключыў электрычную пліту, спрабуючы дабрацца да ежы, якая там знаходзілася.
Спачатку загарэлася папера, а пасля і ўвесь дом.
Як інфармуе ВВС, здарэнне адбылося на захадзе Аўстрыі. У той час, як сабака ўчыніў пажар, яго гаспадары гулялі. Узгаранне на працягу трох гадзінаў тушылі аж 140 чалавек і 18 адзінак спецтэхнікі. Сярод людзей ахвяраў няма, але сам сабака загінуў.
