Горацкая акадэмія павысіла аплату, абвясціўшы пра паніжэнне
Кіраўніцтва акадэміі кажа пра зніжку ў 25%. Цяпер год навучання каштуе 2 млн 982 тыс. 600 рублёў, або 600 долараў ЗША.
Раней за год студэнты акадэміі мусілі ў сярэднім аплачваць 800 долараў паводле курсу Нацбанку. Значыць, да дэвальвацыі год навучання каштаваў каля 2 млн 400 тыс.рублёў.
Кошты знізіліся на ўсе спецыяльнасці, у тым ліку на самыя папулярныя – “Правазнаўства”, “Маркетынг”, “Бухгалтарскі ўлік, аналіз і аўдыт”, “Зямельны кадастр” і іншыя.
Новыя цэны на 2011-2012 навучальны год устаноўленыя ад 13 чэрвеня.
