Ініцыятыўную групу Івана Амельчанкі не зарэгістравалі
Аўтар перфоманса "Мусарок" планаваў рэгістравацца ў Каліноўскай выбарчай акрузе № 108 у Мінску.
Паколькі сам Амельчанка не мог прынесці дакументы, бо 17 ліпеня яго асудзілі на 12 сутак арышту, іх выслалі па пошце. Аднак менавіта гэта і было названа падставай для адмовы ў рэгістрацыі ініцыятыўнай групы, паведамляе Радыё Свабода.
Нагадаем, Іван Амельчанка стаў вядомы пасля перфомансу "Мусарок", які зладзіў сёлета на "Чарнобыльскім шляху". Сёлета ён ўжо правёў за кратамі 40 сутак адміністрацыйнага арышту. А з улікам цяперашняга арышту будзе ўжо 52!
