Лабковіч: Улада парушыла права грамадзян на мірныя сходы
Так ацаніў дзеянні ўлады праваабаронца Уладзімір Лабковіч у жывым эфіры Еўрарадыё.
Ён нагадаў, што па ўсёй краіне прайшлі прэвентыўныя затрыманні арганізатараў Народнага сходу. Таксама адзначыў, што ўлада старалася запалохаць магчымых удзельнікаў сходаў.
Як адзначыў праваабаронца, Народны сход прайшоў мірна і законна. Дзеянні ўлады ён ацаніў як супрацьзаконныя. На яго думку, улада парушыла правы грамадзянаў на мірныя сходы.
