Музей гісторыі Магілёва плануе выкупіць арыгінальнае выданне Статута ВКЛ
Статут рэдакцыі 1588 года знаходзіцца ў калекцыі прыватнага калекцыянера з Масквы і ацэнены ім ў 45 тысяч долараў.
Каб адбылася здзелка, неабходна цягам двух тыдняў пералічыць 10% ад згаданай сумы ў якасці заклада. Музей звяртаецца да ўсіх неабыякавых грамадзян з просьбай дапамагчы ў зборы сродкаў. Рэквізіты дабрачыннага рахунка можна знайсці на сайце музея.
На дадзены момант у свеце налічваецца каля 60 асобнікаў усіх трох выданняў Статута ВКЛ. У Беларусі няма ніводнага з іх, паведамляе “Радыё Магілёў”.
На здымку: Перавыданы Статут ВКЛ (Мінск, 2005).
