Навучанне ў брэсцкім універсітэце падаражэла на траціну
За новы навучальны год "платнікам"-першакурснікам прыйдзецца выкласці з кішэні больш за 11 мільёнаў рублёў.
Інфармацыя пра новыя расцэнкі з'явілася на сайце Брэсцкага дзяржуніверсітэта імя Пушкіна. Паводле яе, для першакурснікаў большасці факультэтаў кошт складзе больш за 11 мільёнаў рублёў. А на юрыдычных спецыяльнасцях кошт яшчэ большы — 12 мільёнаў.
Дарэчы, у чэрвені на сайце брэсцкага "палітэха" з'явіўся прыкладны прагноз коштаў на 2012/2013 год. У гэтай ВНУ навучанне падаражэла на чвэрць і склала для студэнтаў БрДТУ больш за 10 мільёнаў.
Фота — aif.by
