Сёння ў Беластоку адновіцца суд над Андрэем Жукаўцом
Прэтэнзіі да яго мае як беларускі, так і польскі бок.
Андрэй Жукавец з’ехаў з Беларусі ў сакавіку 1999 году па палітычных матывах. За нявыплату буйнога крэдыту на яго была заведзеная крымінальная справа. Паводле словаў актывіста, прычынай гэтага стала апазіцыйная дзейнасць.
У Польшчы пераслед беларуса працягнуўся. Паліцыя зацікавілася Жукаўцом пасля афіцыйнага запыту беларускага боку. Яго амаль на тры месяцы змясцілі пад варту і вызвалілі толькі пасля ўмяшальніцтва Леха Качыньскага. Статусу палітычнага уцекача беларус так і не атрымаў. Таму можа быць выдадзены Беларусі.
Справа Жукаўца цягнецца ўжо больш за дзесяць гадоў. У Беластоку яе неаднаразова перанакіроўвалі з інстанцыі ў інстанцыю.
