Справу арганізатара Народнага сходу ў Магілёве перакваліфікавалі
Цяпер Уладзіміра Шанцава вінавацяць у арганізацыі несанкцыяванага масавага мерапрыемства.
Пра гэта стала вядома сёння ў міліцыі. Туды магілёўскага актывіста Аб’яднанай грамадзянскай партыі выклікалі позвай да маёра Цецярукова.
Нагадаем, што пасля правядзення ў Магілёве Народнага сходу 8 кастрычніка на Шанцава склалі пратакол пра адміністрацыйнае правапарушэнне. Яго вінавацілі ў парушэнні закона аб правядзенні мясцовых і рэспубліканскіх сходаў.
Дата разгляду новай справы ў судзе дагэтуль невядомая.
