Улады Мінску спадзяюцца прыцягнуць буйны расійскі капітал з Сібіры
Падставай для такіх спадзеваў стала падпісанне 17 траўня дамовы аб дзелавым партнёрстве паміж Мінскам і расійскім горадам Омскам.
Па словах намесніка старшыні камітэта эканомікі Мінгарвыканкама Дзяніса Яроменкі, гарады плануюць падпісаць дамову аб пабрацімстве.
Яроменка: "Зацікаўленасць нашай краіны ў тым, што мы можам прыцягнуць буйны расійскі капітал, новыя тэхналогіі, якія ёсць у Омску, і, натуральна, інвестыцыі, якія нам неабходныя".
Яроменка заявіў таксама, што бліжэйшым часам у Мінску будзе рэалізавана больш за 80 інвестпраектаў на суму 1,5 мільярда долараў. Інвестары без аўкцыёну атрымаюць у арэнду зямлю і будуць вызваленыя ад шматлікіх плацяжоў.
