Уладзімір Пугач зладзіць у Пінску фотавыставу у гонар свайго дзеда
Плануецца, што выстава ў Музеі беларускага Палесся адбудзецца ў лютым.
Лідар гурта J:MOPC з’яўляецца ўнукам двойчы Героя сацыялістычнай працы Уладзіміра Ралько, які шмат гадоў працаваў старшынёй калгаса “Аснежыцкі” на Піншчыне. Дзед музыкі памёр у 2006 годзе, і ў яго памяць у музеі будуць выстаўленыя фатаграфіі славутай сям'і.
Чакаецца, што на адкрыцці выставы Уладзімір Пугач дасць невялікі акустычны канцэрт.
