У Брэсцкім раёне вандал скраў гранітныя пліты з манумента "Пратэст"

Больш за 30 гранітных плітаў скраў невядомы вандал з манумента "Пратэст". Ён усталяваны на аўтатрасе каля пасёлка Дамачава ў памяць расстраляных у 1942 годзе нацыстамі 55 дзетдомаўцаў і іх выхавацелькі.
Брэсцкая міліцыя не здолела выйсці на след злачынцы і звярнулася праз СМІ да мясцовых жыхароў з просьбай дапамагчы ў яго пошуках, паведамляе газета "Рэспубліка".