У Генпракуратуры з'явіліся пытанні да журналіста

Паводле Гарэцкага, напярэдадні яму патэлефанавалі і прызначылі сустрэчу ў галоўным наглядным ведамстве. Сказалі, што ад яго чакаюць нейкіх тлумачэнняў, на падставе якіх будуць прымаць пэўнае рашэнне.

Сам журналіст мяркуе, што гаворка пойдзе пра ягонае нядаўняе затрыманне ля будынка КДБ у Мінску, дзе ён рыхтаваў сюжэт пра перадачу рэчаў арыштаваным па справе 19 снежня. Тады супрацоўнікі КДБ паведамілі, што "за журналісцкую дзейнасць без акрэдытацыі" пракуратура можа вынесці папярэджанне, перадае Радыё "Рацыя".