У Літве і Эстоніі згадалі пра беларускіх палітвязняў

Акцыі салідарнасці з беларускімі палітвязнямі і ўдзельнікамі студзеньскіх дэманстрацый, якіх цяпер судзяць у Мінску, прайшлі ў Літве і Эстоніі.  У Вільні мерапрыемства правяло студэнцкае аб'яднанне Еўрапейскага гуманітарнага ўніверсітэта. Увечары 16 красавіка каля беларускай амбасады маладыя людзі паставілі стэнд з надпісам "Гуляйце з цацкамі, а не з лёсамі людзей!". Яны паклалі цацкі да партрэтаў кіраўніка Беларусі і кіраўнікоў сілавых ведамстваў. 

У Нарве, каля мяжы Эстоніі з Расіяй, беларускія студэнты наладзілі імправізаваны пікет. Яны разгарнулі бел-чырвона-белы сцяг і раздавалі мінакам буклеты пра беларускіх палітвязняў і беларускую нацыянальную сімволіку.

БелаПАН