У мінскім парку Янкі Купалы адбылося свята паэзіі
Сёння ў мінскім парку імя Янкі Купалы адбылося свята паэзіі, прысвечанае 125-годдзю з дня нараджэння народнага паэта Беларусі.
Арганізатарам мерапрыемства выступіла ўпраўленне культуры гарвыканкама.
Па двух баках алеі, што вядзе да помніка песняру, і вакол манумента Купалу стаялі ваенная ганаровая варта і дзяўчыны ў нацыянальных строях з чырвонымі гваздзікамі.
Пад гукі ваеннага духавога аркестра да помніка былі ўскладзены кветкі ад прэзідэнта краіны, дзяржаўных і грамадскіх структур, у тым ліку ад Саюза пісьменнікаў Беларусі.
Свае вершы, прысвечаныя песняру, прачыталі Віктар Шніп, Раіса Баравікова, Мікола Мятліцкі і Міхась Пазднякоў.
Бард Радамір Веліч выканаў песню "Мая думка" на вершы Янкі Купалы.
БелаПАН
Арганізатарам мерапрыемства выступіла ўпраўленне культуры гарвыканкама.
Па двух баках алеі, што вядзе да помніка песняру, і вакол манумента Купалу стаялі ваенная ганаровая варта і дзяўчыны ў нацыянальных строях з чырвонымі гваздзікамі.
Пад гукі ваеннага духавога аркестра да помніка былі ўскладзены кветкі ад прэзідэнта краіны, дзяржаўных і грамадскіх структур, у тым ліку ад Саюза пісьменнікаў Беларусі.
Свае вершы, прысвечаныя песняру, прачыталі Віктар Шніп, Раіса Баравікова, Мікола Мятліцкі і Міхась Пазднякоў.
Бард Радамір Веліч выканаў песню "Мая думка" на вершы Янкі Купалы.
БелаПАН
