У Мінску адбываюцца новыя затрыманні апазіцыянераў

Новыя затрыманні актывістаў дэмакратычнага руху адбываюцца ў Мінску па справе выбуху 4 ліпеня. Як мы паведамлялі, учора пасля ператрусу быў затрыманы актывіст кампаніі "Еўрапейская Беларусь" Павел Кур'яновіч.  "Хартыя-97" інфармуе, што таксама затрыманы на трое сутак сябра Палітрады Аб'яднанай грамадзянскай партыі Аляксандр Сергіенка. У апошняга знайшлі цвікі на балконе. Учора адбываўся ператрус і ў актывіста маладзёжнага руху Іллі Богдана. Як паведамляе прэс-служба Партыі БНФ, ён быў затрыманы.

Цяпер па справе 4 ліпеня затрыманыя восем чалавек, акрамя згаданых - Ігар Корсак, Міраслаў Лазоўскі, Віктар Ляшчынскі, Сяргей Чыслаў і Антон Койпіш.

Учора стала вядома, што Ігар Корсак збіраецца распачаць галадоўку пратэсту.