Віктар Юшчанка мае намер вярнуць украінскія святыні з замежных музеяў

Прэзідэнт Украіны Віктар Юшчанка лічыць, што надыйшоў час вярнуць у краіну яе нацыянальныя святыні, якія знаходзяцца ў розных музеях свету. Ён назваў такія краіны, як Расія, Польшча, Швецыя, ЗША, Канада, Чэхія.
Нагадаем, 23 жніўня ва Ўкраіне адзначаецца Дзень дзяржаўнага сцяга. У сваім выступленні на ўрачыстай цырымоніі ўзняцця дзяржаўнага сцяга Юшчанка адзначыў, што для вяртання нацыянальных святыняў мусяць зрабіць усё магчымае і ўлады, і кожны грамадзянін Украіны, паведамляе УНІАН.