10:51 Байцы невядомай спецслужбы захапілі прахадную “Шкловалакна”

Людзі ў масках на працягу гадзіны трымалі тварам да сценкі працаўнікоў полацкага “Шкловалакно”. Каля 15-ці байцоў невядомай спецслужбы захапілі прахадную прадпрыемства. Падзеі адбываліся раніцай 4 красавіка, але пра іх стала вядома толькі цяпер.

Спецназаўцы бралі ў закладнікі ўсіх, хто заходзіў у памяшканне, білі іх дубінкамі. Людзей вызвалілі толькі пасля таго, як на супольным беларуска-італьянскім прадпрыемстве, якое месціцца за прахадной “Шкловалакна”, сканфіскавалі дакументацыю.

Пасля гэтага ў джып пасадзілі і звезлі, праўдападобна, у Мінск дырэктара СП і яго намесніка. Адразу па вызваленні працаўнікі “Шкловалакна”, якія пабывалі ў якасці закладнікаў, напісалі скаргі ў пракуратуру і адміністрацыю прэзідэнта.


Паведамляе сайт газеты “Наша ніва”