12:02 У ноч з 3-га на 4-га сакавіка адбудзецца поўнае месяцовае зацьменне

Яно пачнецца ў 23 гадзіны 30 хвілінаў. Максімальная фаза зацьмення наступіць у 1 гадзіну 20 хвілінаў, заканчэнне поўнага зацьмення — у 1 гадзіну 57 хвілінаў.

Дзівосную прыродную з’яву беларусы змогуць пабачыць толькі ў тым разе, калі неба не будзе закрытае аблокамі. На жаль, прагноз надвор’я амаль не пакідае шанцаў.

Як правіла, поўныя месяцовыя зацьменні адбываюцца двойчы ў год, але не ўсе з іх можна назіраць на тэрыторыі нашай краіны. Апошні раз беларусы маглі пабачыць гэтую з’яву 7 верасня.