126 прадпрымальнікаў заплацілі за завышэнне коштаў 600 мільёнаў штрафаў

Агульная сума эканамічных санкцый, ужытых да прадпрыемстваў і арганізацыяў сталіцы за завышэнне коштаў, склала 600 мільёнаў рублёў. Такі вынік прынеслі праверкі, якія здзейсніла ўпраўленне коштавай палітыкі Мінгарвыканкама. Часцей за ўсё рэвізоры сутыкаліся з завышэннем сабекошту прадукцыі, працоўных і матэрыяльных выдаткаў пры фармаванні коштаў, а таксама з няправільным ужываннем гандлёвых і оптавых надбавак.

Да адміністрацыйнай адказнасці (то бок да выплаты спагнанняў) прыцягнутыя 126 чалавек. Гэта значыць, што за парушэнні ў фарміраванні коштаў на прадукцыю кожны з парушальнікаў вінен дзяржаве ў сярэднім па 2 тысячы долараў.

"Минск-Новости"