15.05 Нацыянальная камісія па правах дзіцяці адчыняе прыёмны пакой у Мінску
Рэспубліканская прыёмная
Нацыянальнай камісіі па правах дзіцяці пачне сваю працу ў Мінску 15 траўня, ў
Міжнародны дзень сям'і. Пра гэта са спасылкай на міністра адукацыі Аляксандра
Радзькова піша “Беларускае тэлеграфнае агенцтва”.
Прыёмная будзе размяшчацца ў кабінеце № 1 Нацыянальнага цэнтра мастацкай творчасці дзяцей і моладзі, што па вуліцы Кірава, 14.
Міністр адзначыў, што чальцы камісіі будуць праводзіць тэматычны прыём грамадзян адзін раз на месяц. У размовах з імі могуць быць закранутыя пытанні забеспячэння правоў юных грамадзян у сістэме адукацыі ці аховы здароўя. Для вырашэння экстраных пытанняў у прыёмнай будзе працаваць дзяжурны.
Па кансультацыі адмыслоўцаў
змогуць звяртацца не толькі дарослыя, але і дзеці любога ўзросту.
