5 тысяч жыхароў Пухавіцкага раёна накіравалі ліст пратэсту ў Саўмін

Калектыўны зварот жыхароў Пухавіцкага раёна накіраваны ў Савет Міністраў. Пад ім падпісаліся больш за 5 тысяч чалавек. Яны пратэстуюць супраць будаўніцтва ў рэгіёне завода па перапрацоўцы пестыцыдаў.  У звароце гаворыцца пра неабходнасць улічыць вынікі грамадскіх слуханняў, якія прайшлі 3 красавіка па гэтым пытанні. Тады каля тысячы мясцовых жыхароў прагаласавалі супраць адкрыцця прадпрыемства.

Жыхары Пухавіцкага раёна маюць намер арганізаваць мясцовы рэферэндум па пытанні будаўніцтва завода. У выпадку адмовы ў яго правядзенні, людзі звернуцца ў ААН.

БелаПАН