Афрыканец у шортах пераплыў расійска-эстонскую мяжу і замёрз
Учора эстонскія памежнікі затрымалі траіх нелегалаў з Афрыкі.
Яны нелегальна перабраліся праз мяжу — пераплылі раку Піўза. Адзін з мужчын памёр у выніку пераахалоджання.
Як паведамляе Delfi, атрымаўшы "наводку" ад расійскіх калегаў, эстонскія памежнікі арганізавалі аблаву. Дваіх афрыканцаў у шортах яны хутка затрымалі, а трэці ўцёк у лес і яго злавілі пазней. Менавіта гэты нелегал і атрымаў абмаражэнне. Выратаваць яго не ўдалося.
Затрыманыя распавялі, што сваю мокрую вопратку яны выкінулі пасля таго, як пераплылі рэчку. Мяркуецца, што мужчыны прабіраліся ў Эстонію з далёкага Судана.
Фота — bymedia.net
