Актывістку прадпрымальніцкага руху з Бабруйску прывезлі ў мінскую міліцыю

У Бабруйску затрымалі сябра кампаніі “За свабоднае развіццё прадпрымальніцтва” Алену Мядзведзеву. На выхадзе з рынку да яе падыйшлі міліцыянты і сказалі, што мусяць адвезці яе на размову з начальствам. Спачатку Мядзведзева знаходзілася ў РАУС, а пасля яе павезлі ў Мінск. Алена Мядзведзева паспела паведаміць па тэлефоне, што яе затрыманне можа быць звязана з удзелам у несанкцыяваным мітынгу прадпрымальнікаў 10 студзеня ў Мінску.

Таксама, на яе погляд, цяпер адбываецца ізаляцыя актывістаў прадпрымальніцкага руху напярэдадні новай акцыі пратэсту, прызначанай на 21 студзеня.

БелаПАН