Алесь Пушкін і Аляксей Янушэўскі асуджаныя на 7 сутак арышту
Мастак Алесь Пушкін і моладзевы актывіст Аляксей Янушэўскі асуджаныя на 7 сутак адміністрацыйнага арышту за “дробнае хуліганства”. Такое рашэнне прыняў Аршанскі суд. Іх прызналі вінаватымі ў тым, што яны выкінулі ў акно мясцовага РАУС чырвона-зялёны сцяг.
Суддзя Таццяна Рыбакова зрабіла паседжанне закрытым. Некалькі дзесяткаў чалавек, якія прыйшлі падтрымаць Пушкіна і Янушэўскага, былі дапушчаныя толькі на іх апошняе слова.
Паводле словаў палітыка Вячаслава Сіўчыка, які прысутнічаў у судзе, Алесь Пушкін патрабаваў, каб яго судзілі па крымінальным артыкуле за “знявагу дзяржаўных сімвалаў”.
Мастак сказаў, што ён быў абураны дзеяннямі ўладаў, якія перашкодзілі традыцыйнаму святкаванню Дня беларускай вайсковай славы, хапалі і адпраўлялі за краты дзесяткі людзей.
Пушкін прызнаў, што ў знак пратэсту ў аршанскім РАУС ён “сарваў са сцяны лукашэнкаўскія сімвалы і на іх месца павесіў плакат “Дзень беларускай вайсковай славы”.
“Гэтую акцыю я зрабіў для беларускай моладзі, якая павінна разумець, што ў любой сітуацыі трэба змагацца за Беларусь”, сказаў Алесь Пушкін.
Ён папрасіў суддзю вызваліць Янушэўскага, які не меў ніякага дачынення да яго ўчынку. Аднак Рыбакова пакарала арыштам абодвух.
Суддзя Таццяна Рыбакова зрабіла паседжанне закрытым. Некалькі дзесяткаў чалавек, якія прыйшлі падтрымаць Пушкіна і Янушэўскага, былі дапушчаныя толькі на іх апошняе слова.
Паводле словаў палітыка Вячаслава Сіўчыка, які прысутнічаў у судзе, Алесь Пушкін патрабаваў, каб яго судзілі па крымінальным артыкуле за “знявагу дзяржаўных сімвалаў”.
Мастак сказаў, што ён быў абураны дзеяннямі ўладаў, якія перашкодзілі традыцыйнаму святкаванню Дня беларускай вайсковай славы, хапалі і адпраўлялі за краты дзесяткі людзей.
Пушкін прызнаў, што ў знак пратэсту ў аршанскім РАУС ён “сарваў са сцяны лукашэнкаўскія сімвалы і на іх месца павесіў плакат “Дзень беларускай вайсковай славы”.
“Гэтую акцыю я зрабіў для беларускай моладзі, якая павінна разумець, што ў любой сітуацыі трэба змагацца за Беларусь”, сказаў Алесь Пушкін.
Ён папрасіў суддзю вызваліць Янушэўскага, які не меў ніякага дачынення да яго ўчынку. Аднак Рыбакова пакарала арыштам абодвух.
