Алімпійская чэмпіёнка Аксана Мянькова не выйшла ў фінал чэмпіянату свету

Няўдала выступаюць беларускія спартсмены на чэмпіянаце свету па лёгкай атлетыцы ў Берліне. Яны не здолелі заваяваць ніводнага медаля.
У спаборніцтвах дзесяціборцаў срэбраны прызёр Алімпіяды ў Пекіне беларус Андрэй Краўчанка заняў толькі 10-е месца. А пераможцам стаў амерыканец Трэй Хардзі.

Алімпійская чэмпіёнка Пекіна Аксана Мянькова, а таксама Дар'я Пчэльнік не патрапілі ў лік 12-ці мацнейшых кідальніц молата і не выйшлі ў фінал чэмпіянату свету, паведамляе БЕЛТА.