Аўтацягнік з Літвы застаўся без колаў у пункце пропуску "Грыгараўшчына"
Пасля таго, як кіроўца праігнараваў знак STOP, памежнікі прывялі ў дзеянне сродак прымусовага спынення.
У выніку ў аўтапоездзе "Мэрсэдэс" , якім кіраваў літовец 1958 года нараджэння, прабітыя шэсць колаў. Кіроўца грузавіка прыцягнуты да адміністрацыйнай адказнасці за парушэнне рэжыму ў пункце пропуску і парушэнне правілаў дарожнага руху. Па кожным з правапарушэнняў яму прызначаны штраф па 650 тысяч рублёў.
Па дадзеным факце праводзіцца разбіральніцтва, піша інфармагенцтва БелаПАН са спасылкай на Дзяржаўны памежны камітэт Беларусі.
Фота: auto.msk.acoola.ru.
