Баранавіцкія праваахоўнікі не могуць паразумецца з затрыманымі кітайцамі

Чатырох грамадзян Кітаю затрымалі міліцыянты на чыгуначнай станцыі «Баранавічы-Цэнтральныя». Вядома, што нелегалы прыехалі з Расіі. Пакуль яны знаходзяцца ў ізалятары часовага ўтрымання. Паразумецца з імі баранавіцкія праваахоўнікі пакуль не могуць. Кітайцы размаўляюць выключна на сваёй мове, англійскую і расійскую мову не разумеюць альбо робяць выгляд, што не разумеюць.

Паводле словаў намесніка начальніка баранавіцкага гараддзела міліцыі Аляксандра Сакуты, кітайцаў, якія знаходзіліся на тэрыторыі Беларусі незаконна, чакае дэпартацыя.

Алесь Літоўчык, Еўрарадыё, Баранавічы