Беларускі выйгралі золата і срэбра ў штурханні ядра на чэмпіянаце Еўропы

Беларускі Надзея Астапчук і Наталля Міхневіч выйгралі золата і срэбра чэмпіянату Еўропы па лёгкай атлетыцы ў штурханні ядра ў іспанскай Барселоне. Як інфармуе БЕЛТА, Надзея Астапчук у сваёй лепшай спробе паказала вынік 20,48 м, Наталля Міхневіч - 19,53 м. Прычым абедзве самыя паспяховыя спробы былі заключнымі, шостымі.

Бронза дасталася расіянцы Ганне Аўдзеевай - 19,39 м.

Алімпійская чэмпіёнка-2000 беларуска Яніна Правалінская-Карольчык стала чацвёртай (19,29 м), хоць пасля трох спроба займала трэцяе месца.