Беларускія мядзведзі сталі дужэйшымі, бо менш спяць – навуковец Мядзведзеў

Дужэйшымі сталі беларускія мядзведзі, бо яны менш спяць і лепш харчуюцца падчас цёплых зімаў. Пра гэта “Інтэрфаксу” паведаміў навуковы супрацоўнік Дзяржаўнай прыродаахоўнай установы “Бярэзінскі біясферны запаведнік” Ігар Мядзведзеў.  Паводле яго словаў, у апошнія гады мядзведзі прызвычаіліся да таго, што кладуцца на спячку не з канцы лістапада – пачатку снежня, як было 10-15 гадоў таму, а ў студзені.

“Скарачэнне тэрміна спячкі ў пэўнай ступені станоўча паўплывала на папуляцыю беларускіх мядзведзяў”, адзначыў заолаг.