Бернд Штанге пакліча ў зборную неіснуючага футбаліста

На прэс-канферэнцыі галоўнага трэнера зборнай Беларусі па футболе, якая адбылася 24 верасня, Бернд Штанге сярод кандыдатаў у каманду назваў гульца па прозвішчы “Давідовіч”, які нібыта выступае за расійскі клуб “Кубань”.
Насамрэч такога футбаліста не існуе, паведамляе “Салідарнасць”, прыводзячы кавалак размовы з трэнерам.



— Гер Штанге, мягчыма, я не правільна зразумеў, аднак, хто такі Давідовіч?

Бернд Штанге: Давідовіч… Нумар шэсць…

— Апорны паўабаронца?

Бернд Штанге: Так.

— А дзе ён гуляе?

Бернд Штанге: У Расіі, (задумаўся) у “Кубані”. Даруйце… Магчыма, у “Кубані”? (звяртаецца да намесніка старшыні Беларускай федэрацыі футбола Міхаіла Вяргеенкі).

Вяргеенка: Так, Давідовіч.

Бернд Штанге: Давідовіч.

— Ён гуляе ў “Кубані”, так?

Бернд Штанге: Так, у “Кубані”. Гэта адзін з многіх. Я яго не ведаю. Мы атрымліваем інфармацыю пра добрых гульцоў, і ён адзін з іх. Мы мусім паглядзець на гэтага гульца.

— Якога ён года нараджэння?

Бернд Штанге: Малады… 1983-і, так 83-і.

Як высветлілася, з беларусаў у “Кубані” гуляе толькі Аляксандр Лебедзеў, 1985 года нараджэння. Яго амплуа — нападаючы…