Брытанская моладзь захоўвае на iPod сотні пірацкіх песень

Сярэдні брытанскі падлетак або студэнт захоўвае на сваім iPod 842 нелегальна скапіяваныя песні, піша The Times са спасылкай на маштабнае даследаванне навукоўцаў з Хартфардшырскага ўніверсітэта. Паводле таго ж дакумента, у сярэднім плэер змяшчае 1770 песень. Гэта азначае, што на пірацкія трэкі ва ўзроставай групе ад 14 да 24 гадоў прыходзіцца 48 адсоткаў усіх песень. У групе ад 14 да 17 гадоў гэтая доля ўзрастае да 61 адсотка. У аўдыётэках падлеткаў і студэнтаў скапіраванымі з'яўляюцца 14 адсоткаў кампакт-дыскаў.

У цэлым, як паказала апытанне, нелегальным капіраваннем у той або іншай форме займаліся 96 адсоткаў рэспандэнтаў ва ўзросце ад 18 да 24 гадоў. Ва ўзроставай катэгорыі ад 14 да 17 гадоў гэты паказчык складае 89 адсоткаў.

Двое з трох апытаных капіруюць дыскі, узятыя ў сяброў, дзеляцца песнямі па e-mail і запампоўваюць усю музыку з цвёрдага дыска сябра, набываючы такім чынам да 10 тысяч песень.

Па дадзеных даследчыкаў, 80 адсоткаў апытаных гатовыя плаціць штомесяц за падпіску на музыку. Гаворка ідзе пра сумы да 10 фунтаў стэрлінгаў.

Фота: www.rublikon.ru