ЦВК Казахстана зарэгістраваў другога кандыдата для ўдзелу ў выбарах
Ім стаў сакратар ЦК Камуністычнай партыі Жамбыл Ахметбекаў.
Цэнтравыбаркам Казахстана ў суботу зарэгістраваў другога кандыдата для ўдзелу ў датэрміновых прэзідэнцкіх выбарах, што павінны адбыцца 3 красавіка. Жамбыл Ахметбекаў сабраў у сваю падтрымку болей як 700 тысяч подпісаў.
Першым зарэгістраваным кандыдатам стаў цяперашні прэзідэнт краіны Нурсултан Назарбаеў, які знаходзіцца ва ўладзе ўжо 20 гадоў, паведамляе Радыё Свабода.
