Да прыезду ў Пінск Аляксандра Мілінкевіча міліцыя і спецназ наладзілі парад

Парад наладзілі ў Пінску каля помніка Леніну міліцыянты і спецназаўцы, чакаючы прыезду Аляксандра Мілінкевіча.  Якраз на гэтым месцы была запланаваная сустрэча лідэра руху "За Свабоду" з мясцовымі жыхарамі. На яе прыйшлі каля 100 чалавек, якія цікавіліся ў палітыка яго меркаваннем наконт праблемаў ільготаў, аховы здароўя, карупцыі, дзейнасці мясцовых уладаў.

Напрыканцы сустрэчы невядомы кінуў у Мілінкевіча яйка. Міліцыянты хулігана не даганялі, але затрымалі актывіста руху Андрэя Сушко. У пастарунак паехаў і Аляксандр Мілінкевіч. У выніку, Сушко быў вызвалены.

Адзначым, што ў Пінску невядомы зламыснік прабіў тры колы аўтамабіля Аляксандра Мілінкевіча.

Сёння лідэр руху "За Свабоду" сустракаецца з жыхарамі горада Слоніма.

БелаПАН