Дырэктара Гандлёвага цэнтру затрымалі за хабар выратавальніку - 800 тысяч

За хабар супрацоўніку Міністэрства па надзвычайных сітуацыях затрымалі ў Светлагорску генеральнага дырэктара мясцовага Гандлёвага цэнтру.

Супрацоўнікі КДБ з'явіліся ў той момант, калі ён перадаў выратавальніку 800 тысяч рублёў. Такім чынам гендырэктар спрабаваў атрымаць дазвол на размяшчэнне гандлёвай пляцоўкі з парушэннем правілаў пажарнай бяспекі.

Таксама яго падазраюць у тым, што ён браў са сваіх падначаленых хабар за атрыманыя пасады і працягненне працоўных дамоваў - ад 700 тысяч да 1,2 млн рублёў.

Інтэрфакс