Футбаліст Сяргей Штанюк прыязджае ў Мінск, каб залячыць траўму
Сяргей Штанюк, асноўны
абаронца зборнай Беларусі па футболе, днямі атрымаў траўму. У суботнім паядынку
чэмпіянату Расіі супраць краснадарскай "Кубані" футбаліст
уладзівастоцкага клуба "Прамень-Энергія" падгарнуў галенастоп. 22
траўня ён прыязджае на лячэнне ў Мінск.
Траўма Штанюка тым больш непрыемная, што неўзабаве зборная Беларусі мусіць правесці два матчы адборачнага турніра чэмпіянату Еўропы супраць зборнай Балгарыі.
2 чэрвеня ў 21:00 пачнецца гульня на мінскім стадыёне "Дынама". 6 чэрвеня нацыянальныя зборныя сустрэнуцца ў Сафіі, на стадыёне "Васіл Леўскі". Пачатак гульні ў 20:00.
Нагадаем, што акрамя Сяргея
Штанюка, траўмаваныя беларускія форварды Аляксандр Глеб і Віталь Кутузаў, якія
граюць у англійскім “Арсенале” і італьянскай “Парме” адпаведна.
Па інфармацыі газеты "Прессбол".
