Гродзеншчына засталася без сувязі тэлефоннай сеткі МТС
Тэлефонны аператар МТС паведамляе пра праблемы з сувяззю, якія ўзніклі ў некаторых рэгіёнах. У прыватнасці, праблемы ўзніклі ў Гродне і Гродзенскай вобласці, Браслаўскім і Пастаўскім раёнах Віцебшчыны, Мядзельскім і Маладзечанскім раёнах Міншчыны.
Праблемы закранулі не толькі галасавыя сэрвісы, але і сэрвісы перадачы даных 2G / 3G / LTE.
Прычынай называеца абрыў валаконна-аптычнага кабеля.
Як паведамляецца на сайце аператара, цяпер "прымаюцца ўсе меры па аднаўленні карэктнай працы сеткі ў максімальна кароткія тэрміны".
