Грызлоў прапануе стварыць футбольную і хакейныя лігі з удзелам краін СНД

Лідэр партыі “Адзіная Расія” Барыс Грызлоў прапануе стварыць новыя футбольныя і хакейныя лігі з удзелам каманд з постсавецкай прасторы. Пра гэта ён паведаміў падчас цырымоніі падпісання дамовы аб супрацоўніцтве паміж “Адзінай Расіяй” і спартовым таварыствам “Дынама”.

Спадар Грызлоў прапанаваў наглядальнай радзе спартовага таварыства сумесна падумаць над фармаваннем новых ліг, якія б "аб'ядноўвалі дзяржавы на прасторы СНД".

У прыватнасці, па меркаванні Барыса Грызлова, футбольную лігу можна было бы стварыць пры ўдзеле Ўкраіны і Беларусі, а да хакейнай далучыць яшчэ і Казахстан.

"У межах новых ліг можна было бы праводзіць займальныя чэмпіянаты, на якія збіраліся б аншлагі", – цытуе лідэра “Адзінай Расіі” агенцтва “Интерфакс”.