Іспанская спартовая прэса піша пра беларускую баскетбольную зборную

"Хаця іспанская каманада пераважае ў лічбавым параўнанні, беларускі выдзяляюцца сваёй сілай. Упершыню зборныя сустрэнуцца ў бітве за сусветныя медалі, і таму "суцяшальны фінал" будзе як ніколі цікавым. Для абедзвюх зборных гульня значыць вельмі шмат. Яна значыць – зрабіць гісторыю",  – гаворыцца ў артыкуле "Што важна – перамагчы сёння" самай папулярнай іспанскай газеты El País. Сайт Іспанскай федэрацыі баскетбола прыгадвае, што менавіта Беларусь была прынцыповым супернікам іспанскай жаночай зборнай у заваяванні двух апошніх медалёў  – срэбра Еўропы ў Італіі ў 2007 і бронзы ў Латвіі ў 2009. Тады Іспаніі ўдавалося перамагчы Беларусь з лікамі 70:54  і 63:56 адпаведна. "Таму расклад апошніх гульняў з нашым супернікам за першы медаль на сусветным спаборніцтве прыносіць добрыя ўспаміны",  – гаворыцца ў артыкуле "Беларусь, супернік з добрымі ўспамінамі".

Іспанія, з свайго боку, зноўку стане для Беларусі  "супернікам у адной з найбольш важнай гульняў ў сваёй гісторыі", дадае сайт  Іспанскай федэрацыі баскетбола.