Лукашэнка пра барацьбу са злачыннасцю: Беларусі прыходзіцца складана
У чацвер кіраўнік Беларусі сустрэўся з намеснікам генсека Арганізацыі Аб'яднаных Нацый Юрыем Фядотавым.
Ён жа з'яўляецца выканаўчым дырэктарам Упраўлення ААН па наркотыках і злачыннасці.
Падчас сустрэчы Аляксандр Лукашэнка адзначыў, што "гадоў 12-13 таму" Беларусь вельмі актыўна занялася праблемай барацьбы з гандлем людзьмі ў розных яго праявах. Ужо накоплены пэўны досвед, ёсць поспехі.
Аднак змагацца са злачыннасцю складана, паколькі Беларусь знаходзіцца "ў эпіцэнтры розных перасоўванняў як транзітная дзяржава". Паводле слоў Лукашэнкі, з аднаго боку, гэта выгадна, з іншага — праблематычна, паколькі праз тэрыторыю нашай краіны "што толькі не перасоўваецца, пачынаючы ад розных мігрантаў і заканчваючы наркотыкамі, радыеактыўнымі рэчывамі". І Беларусі даводзіцца з гэтым весці жорсткую барацьбу, інфармуе БЕЛТА.
