Міліцыянты злавілі забойцу на “халяўны” флікер

Каб бясплатна атрымаць флікер, выйшаў з дому да міліцыянтаў жыхар вёскі Шапечына Віцебскага раёна, які некалькі гадзін перад гэтым здзейсніў забойства.
Пасварыўшыся са знаёмай пасля таго, як разам моцна выпілі, ён забіў жанчыну і зачыніўся у сваёй хаце.

Супрацоўнікі ДАІ, што прыехалі па выкліку, пагрукалі ў дзверы і сказалі, што па ўсёй вёсцы пачалася праверка наяўнасці флікераў і тым, у каго іх няма, святлоадбівальныя элементы раздаюць бясплатна. Паквапіўшыся на “халяву”, забойца адчыніў дзверы.