Міжнародны валютны фонд накіроўвае ў Мінск сваю місію ў справе крэдыту

Місія Міжнароднага валютнага фонда на працягу бліжэйшых дзён пачне абмеркаванне з уладамі Беларусі пытанне аб прадастаўленні крэдыту. Пра гэта гаворыцца ў заяве кіраўніка Фонда Дамініка Строс-Кана.
Памер фінансавання, якое можа быць прадастаўленае ў рамках праграмы stand-by, яшчэ давядзецца вызначыць, заявіў ён. "Сусветны фінансавы крызіс негатыўна паўплываў на эканоміку Беларусі, яе доступ да знешняга фінансавання. У той жа час змены кан'юнктуры ў знешнім гандлі негатыўна паўплывалі на плацёжны баланс краіны", - гаворыцца ў паведамленні.

Нагадаем, учора стала вядома, што ўрад і Нацыянальны банк Беларусі звярнуліся ў МВФ з просьбай аб прадастаўленні рэзервовага крэдыту на 2 млрд долараў.

Інтэрфакс