Новае кіраўніцтва Грузіі чакае вываду расійскіх войскаў
Кіраўніца МЗС Грузіі Мая Панджыкідзэ назвала ўмовы, пры якіх грузінскі бок гатовы аднавіць дыпламатычныя адносіны з Расіяй.
Гэта адбудзецца ў тым выпадку, калі тэрыторыя Грузіі будзе "дэакупаваная" — гэта значыць, выведзеныя войскі з Абхазіі і Паўднёвай Асеціі. Расія таксама павінна адклікаць прызнанне гэтых дзвюх рэспублік, адзначае РБК.
Словы кіраўніцы грузінскай дыпламатыі сталі рэакцыяй на заяву міністра замежных спраў Расіі Сяргея Лаўрова. Ён назваў незалежнасць Паўднёвай Асеціі і Абхазіі "новымі рэаліямі Закаўказзя", якія "павінна прызнаць NATO".
У сваю чаргу, Панджыкідзэ падкрэсліла, што Расія не зможа паўплываць на адносіны паміж NATO і Грузіяй.
Фота — telegrafist.org
