Н.Сарказі: Міжнародная супольнасць не жадае аднаўлення "халоднай вайны"

Міжнародная супольнасць не жадае аднаўлення "халоднай вайны". Пра гэта заявіў прэзідэнт Францыі Нікаля Сарказі.
"Ніхто не хоча вяртацца да часоў "халоднай вайны". НАТА - не супернік Расіі, а партнёр, - сказаў Сарказі. - Што датычыць Еўрапейскага саюзу, ён жадае будаваць з гэтай краінай пазітыўныя і змястоўныя адносіны. Цяпер Расіі трэба зрабіць асноватворны выбар".

Прэзідэнт Францыі, якая з'яўляецца старшынёй ЕС, адзначыў, што на экстраным саміце 1 верасня у 27 краін Еўрасаюза будзе магчымасць выпрацаваць адзіны падыход па далейшым супрацоўніцтве з Расіяй.

БелаПАН