Пацвердзілася інфармацыя, што Velcom выкупіў у дзяржавы кантрольны пакет акцый

Беларускі аператар GSM “Мабільная лічбавая сувязь” (гандлёвыя маркі Velcom і Privet) зарэгістраваны як замежнае прыватнае ўнітарнае прадпрыемства. Раней Velcom з’яўляўся сумесным беларуска-кіпрскім прадпрыемствам, зарэгістраваным у форме таварыства з абмежаванай адказнасцю.

Паводле звестак “Інтэрфакса”, які спасылаецца на крыніцу ў дзяржорганах, кіпрская кампанія SB-Telecom, якая раней валодала доляй у 49%, выкупіла долю, якая належыла дзяржаве ў сумесным прадпрыемстве – 51% і стала ўладальнікам 100% актываў кампаніі.